«Báıterek» UBH» AQ qyzmetkerleri dástúrli Donor kúni aıasynda 30 lıtrge jýyq qan tapsyrdy
«Báıterek» UBH» AQ qyzmetkerleri dástúrli «Donor kúni» aıasynda 30 lıtrge jýyq qan tapsyrdy, dep habarlaıdy QazAqparat.
Bıyl «Báıterek» UBH» AQ uıymdastyrǵan «Donor kúni» qaıyrymdylyq aktsııasy holdıng pen onyń enshiles uıymdarynyń 116 qyzmetkerin biriktirdi. Barlyq qajetti medıtsınalyq protsedýralardan ótken soń olardyń 73-i donor atandy, sonyń arqasynda 30 lıtrge jýyq qan tapsyryldy.
Aktsııanyń negizgi maqsaty – qyzmetkerler men qoǵam arasynda donorlyqty nasıhattaý, donorlyq qan men onyń komponentterin jetkizýdi arttyrý, sondaı-aq qaıyrymdylyq jáne áleýmettik bastamalarǵa belsendi kómek kórsetý.
Bul is-shara «Báıterek» holdınginde birneshe jyl qatarynan ótkizilip keledi jáne qyzmetkerlerdiń áleýmettik jaýapkershiligi men qoǵamdaǵy belsendilikterin kórsetetin dástúrge aınaldy.
«Biz bul ıdeıany belsendi qoldap, tamasha bastamanyń bir bóligi bolǵan ujymymyzdy maqtan tutamyz. Donorlyq qan tapsyrý – salaýatty jáne áleýmettik belsendi qoǵam qurý jolyndaǵy qadam. Búgingi shara bizdiń osyndaı mańyzdy qundylyqtarǵa adaldyǵymyzdy kórsetedi», - dep atap ótti holdıng.
