«Báıterek» holdınginiń ınvestıtsııalyq saıasaty: maqsattar, mindetter, damý

ASTANA. QazAqparat - «Báıterek» holdıngi jańa Investıtsııalyq saıasatty júzege asyrýǵa kiristi. Onyń maqsaty - elimizdiń turaqty túrde áleýmettik-ekonomıkalyq damýyna septigin tıgizetin tıimdi ári ashyq ınvestıtsııalyq is-áreketti qamtamasyz etý.

Jańartylǵan qujat Holdıngtiń dırektorlar Keńesiniń sheshimi boıynsha, memlekettik damý baǵdarlamasyna saı qurylǵan. Osylaısha, kompanııa men onyń enshiles uıymdarynyń ınvestıtsııalyq qyzmetiniń negizgi baǵyttary men qaǵıdalary bekitildi, onda negizgi basymdylyqtardyń biri eksportty qoldaý bolyp tabylady.

Jańa redaktsııa tórt negizgi blok boıynsha Saıasattyń buryńǵy redaktsııasyndaǵy erejelerdi aıtarlyqtaı keńeıtti.

Birinshiden, ol Holdıng pen enshiles uıymdardyń barlyq ınvestıtsııalyq qyzmetine vektor beretin alty negizgi qaǵıdalar anyqtaldy. Olar Qazaqstannyń turaqty áleýmettik-ekonomıkalyq damýyna kómektesetin, sondaı-aq ekonomıkanyń jeke sektoryna qoldaý kórsetetin jobalarǵa nazar aýdarý. Buǵan qosa, qujat kúrdeli qarjy syıymydylyǵy bar jáne ózin-ózi aqtaý merzimi uzaq bolǵandyqtan olardy kommertsııalyq ınstıtýttar qarjylandyrýǵa qyzyǵýshylyq tanytpaıtyn basym jobalardy anyqtaıdy. Alaıda olar ulttyq ekonomıka úshin mýltıplıkatıvti áser qurýǵa septigin tıgizedi. Buǵan qosa, zııansyzdyq jáne ESG (Environmental, Social, Governance) - ekologııalyq tıimdilik jáne qorshaǵan ortany qoǵaý, áleýmettik baǵyt jáne adal korporatıvti basqarý qaǵıdalarynyń kesheni sekildi halyqaralyq qaǵıdalardy qoldanýǵa umtylysty qamtamasyz etedi. ESG normalaryn engizý qazaqstandyq jobalardyń shet eldik ınvestorlar úshin tartymdylyǵyn arttyrýǵa múmkindik beredi.

Ekinshiden, jobalarǵa anaǵurlym tıimdi qarjylandyrý sharttaryn usyný tarapynan qarastyrylatyn jobalardy basymdy etý quraldary retinde Damý ındeksi degen túsinik engizildi. Indeks elimizdiń damýyna úles qosatyn jáne yqpal etetin anaǵurlym mańyzdy áleýmettik-ekonomıkalyq jobalardy kórsetýge, sonymen qatar osyndaı jobalarǵa anaǵurlym tıimdi sharttar usynýǵa múmkindik beredi. Damý ındeksi deńgeıi tómen jobalar memlekettik qarajat kózderinen qarjylandyrý ala almaıtyny sheshýshi sát bolyp tabylady.

Bul rette Damý ındeksi joǵary joba memlekettik baǵdarlamalarmen anyqtalǵan basym salalarǵa saı kelip, eńbek ónimdiligin ulǵaıtýǵa septigin tıgizip, óndiristegi eksporttyń úlesi basym bolýyn jáne ónim shyǵarý kólemin salynǵan qarajat birligine saı etýi tıis. Sonymen qatar basymdylyq ekonomıkanyń jeke sektoryna baǵyttalady.

Úshinshiden, jańa redaktsııa Holdıng pen enshiles uıymdardyń arasyndaǵy jaýapkershilikti naqty bólip berdi, ol óz kezeginde eki jaq arasynda móldir qarym-qatynas qurýǵa múmkindik berip otyr. Enshiler uıymdardyń negizgi róli qarjylaı qoldaý kórsetý boıynsha aǵymdaǵy protsesti júzege asyrý jáne súıemeldeý bolyp qala beredi. Al Holdıng bolsa, enshiles kompanııalardyń ınvestıtsııalyq qyzmetiniń strategııalyq vektoryn anyqtaıdy jáne qoldaý quraldaryn usynýǵa nazar aýdarady. Sonymen qatar kórsetiletin qarjylaı qoldaýdyń tıimdiligine baqylaý júrgizedi.

Tórtinshiden, Investıtsııalyq saıasat enshiles uıymdar qoldana alatyn qarjylyq quraldardy anyqtaıdy jáne taldaıdy. Sonymen qatar qarjylandyrý jáne baǵa qurý sharttaryn anyqtaýǵa túsinikti tásil bekitti.

Qoldaý quraldarynyń dıagnostıkasy nátıjesi boıynsha keıbir shekteýler men tolyqtyrýlardy anyqtaý qajet ekeni belgili boldy. Olar Holdıng pen enshiles uıymdardyń ınvestıtsııalyq qyzmetin anaǵurlym toptastyrýǵa múmkindik beredi. Mysaly, jobalardy birlesip qarjylandyrý kezinde enshiles uıymdardyń ózara qarym-qatynasy máselesi naqtylanyp, sonymen qatar qazaqstandyq ónimdi satyp alýshy beırezıdentterdi qarjylandyrý máselesi sheshildi jáne eksportty damytýǵa basym nazar aýdaryldy.