«Báıterek» holdıngi tóraǵasynyń orynbasary taǵaıyndaldy

ASTANA. QazAqparat «Báıterek» ulttyq basqarýshy holdıngi» AQ Dırektorlar keńesiniń sheshimimen Ánýar Omarhodjaev holdıngtiń basqarma tóraǵasynyń orynbasary, basqarma múshesi bolyp saılandy.

Bul týraly atalǵan holdıng baspasóz qyzmetinen habarlady.

Ánýar Omarhodjaev Qazaq memlekettik agrarlyq ýnıversıtetin «ınjener-mehanık» mamandyǵy jáne Bermen ınstıtýtyn «ónerkásiptik tehnıka ınjeneri» mamandyǵy boıynsha úzdik bitirgen. 20 jyldyq eńbek ótili bar. Kóp jyldary halyqaralyq qatynastar jáne memlekettik qyzmet salalarynda jumys istedi. Qazaqstan Respýblıkasy Prezıdentiniń Ákimshiligi jáne QR Premer-Mınıstriniń Keńsesi, QR Syrtqy ister mınıstrligi jáne QR dıplomatııalyq ókildikterinde túrli laýazymdarda qyzmet etti.

Ár jyldary QR Prezıdenti Protokolynyń bas ınspektory, QR Premer-Mınıstri Hatshylyǵy meńgerýshisiniń orynbasary Protokol qyzmetiniń basshysy, QR Prezıdenti Ákimshiligi basshysynyń Hatshylyǵy meńgerýshisi, QR Premer-Mınıstri Keńsesi Basshysynyń orynbasary boldy.

«Parasat», «Qurmet» ordenderimen, «Astananyń 10 jyldyǵy», «Qazaqstan Respýblıkasynyń táýelsizdigine 20 jyl», «Qazaqstan halqy Assambleıasyna 20 jyl» jáne «Qazaqstan Respýblıkasynyń Konstıtýtsııasyna 20 jyl» medaldarymen marapattaldy.