«Báıterek» ǵarysh kesheni: ushyrý synaqtarynyń merzimi ózgerdi

ASTANA. KAZINFORM — Parlament Májilisiniń qaraýyna «Báıterek» ǵarysh zymyran keshenin qurýǵa qatysty qujat kelip tústi.

Atap aıtqanda, aldaǵy ýaqytta palata «2004 jylǵy 22 jeltoqsandaǵy Qazaqstan Úkimeti men Reseı Úkimeti arasyndaǵy «Baıqońyr» ǵarysh aılaǵynda «Báıterek» ǵarysh zymyran keshenin qurý týraly kelisimge ózgerister engizý týraly hattamany ratıfıkatsııalaý týraly» zań jobasyn talqylaıdy.

— Atalǵan kelisimge ushý synaqtarynyń bastalý merzimin 2023 jyldan 2025 jylǵa aýystyrý, «Báıterek» birlesken kásipornyna salyq boıynsha preferentsııalar berý, reseılik taraptyń keshendi jylyna ekiden úshke deıin júkteý jónindegi mindettemelerin ulǵaıtý bóliginde ózgerister engizildi, — dedi depýtat Aıdos Sarym Májilistiń jalpy otyrysyndy.

Onyń aıtýynsha, bul kelisimniń taǵy bir maqsaty — «Baıqońyr» ǵarysh aılaǵynyń bolashaǵyn qamtamasyz etý, sol jerdegi Qazaqstan azamattaryna jaǵdaı jasaý.

— Májilistiń Halyqaralyq ister, qorǵanys jáne qaýipsizdik komıteti osy zań jobasy boıynsha qorytyndy ázirleýge daıyn, — dedi depýtat.

Buǵan deıin 70 jyl buryn Baıqońyrdyń ornynda ne bolǵanyn jazǵan edik.