Baıden prezıdenttik saılaýda merziminen buryn daýys beredi
ASTANA. KAZINFORM – AQSh prezıdenti Djo Baıden dúısenbi kúni ótetin prezıdenttik saılaýda merziminen buryn daýys beredi.
«Búgin tańerteń prezıdent 2024 jylǵy jalpy saılaýda merziminen buryn daýys beredi», - delingen Aq úıdiń jarııalaǵan AQSh prezıdenti Djo Baıdenniń kestesinde.
Kóptegen amerıkandyqtar 5 qarashadaǵy saılaý kúnine deıin daýys bere alady.
Baıden buǵan deıin saılaýǵa qatysýdan bas tartty. Onyń ornyna Demokratııalyq partııa atynan kandıdat vıtse-prezıdent Kamala Harrıs boldy. Respýblıkalyq partııanyń kandıdaty – burynǵy prezıdent Donald Tramp.
The Wall Street Journal basylymynyń habarlaýynsha, prezıdenttik saılaýǵa Respýblıkalyq partııadan úmitker Donald Tramp saılaýǵa eki aptadan az ýaqyt qalǵanda, vıtse-prezıdent Kamala Harrısti az ǵana artyqshylyqpen ozyp keledi – 47%-ǵa qarsy 45%.
Buǵan deıin jazǵanymyzdaı, AQSh-tyń burynǵy prezıdenti, Respýblıkalyq partııadan AQSh prezıdenttigine úmitker Donald Tramp prezıdenttik saılaýda jeńiske jetken jaǵdaıda qazirgi amerıkalyq kóshbasshy Djo Baıdenniń uly Hanter Baıdenge raqymshylyq jasaýdan bas tartpaıtynyn aıtqan.
