Baıanaýyldaǵy 17 eldi mekendi sý basý qaýpi bar
Mamandar kóktemde sý basý qaýpin azaıtý úshin 5 mlrd teńgeniń jobasyn usynyp otyr. Qarajat topyraq úıindilerin bekitý men shlıýzderdi ornatýǵa jumsalady, dep habarlaıdy Kazinform.
Pavlodar oblysynda kóktemgi sý tasqyny kezeńinde qaýipti aımaqtyń biri – Baıanaýyl aımaǵy. Negizgi qaýip Aşysý, Aıdos, Bala Shiderti, Qarasý ózenderinen tónip tur. Eldi mekenderdi sý baý qaýpin azaıtý úshin byltyr aýdandaǵy Jańatilek, Sátbaev, Uzynbulaq, Jańajol aýyldyq okrýgterinde jalpy kólemi 6,7 myń gektar kóltabandardy qalpyna keltirý jumystary bastalǵan.
«Bul jobany júzege asyrý shamamen 5 mlrd teńge qarajat qajet. Ol ózender aınalasyna topyraq úıindisin salý jáne shlıýzder ornatýǵa baǵyttalady. Buǵan qosa sý jınalatyn kóltabandar jazda shalǵynǵa aınalyp, óńirdegi mal sharýashylyǵynyń damýyna oń áser etedi», - delingen óńirlik tótenshe jaǵdaılar departamentiniń habarlasynda.
