Baıanaýylda sýǵa batyp bara jatqan mektep oqýshysy qutqaryldy

PAVLODAR. KAZINFORM - Oqıǵa Baıanaýyl memlekettik ulttyq tabıǵı park aýmaǵynda, «Jasybaı» demalys aımaǵynda bolǵan. Jasóspirimdi qutqarýshylar sýdan aman-esen alyp shyqty.

«11-synyp oqýshysy demalys aımaǵyndaǵy jaǵajaıǵa ata-anasymen birge qydyryp kelgen. Kólde shomylyp júrip, sýǵa bata bastaǵan. Tótenshe jaǵdaılar departamenti jedel qutqarý jasaǵy kezekshilik atqarǵan jerden birden eki qutqarýshy jumyldyryldy. Ekeýi jasóspirimdi sýdan aman shyǵaryp, alǵashqy medıtsınalyq kómek kórsetti», dep habarlady óńirlik tótenshe jaǵdaılar departamentiniń baspasóz qyzmetinen.

Eske sala keteıik, buǵan deıin Pavlodarda eki jigit sýǵa batyp ketken edi.