Baıanaýylda prokýratýra qyzmetkeri ózine qol jumsady

PAVLODAR. KAZINFORM - 29 jasar azamat páterinde óli kúıinde tabyldy. Oblystyq prokýratýra atalǵan oqıǵa boıynsha polıtsııa organdary tergeý júrgizip jatqanyn málimdedi.

Baıanaýyl aýdandyq prokýrorynyń kómekshisi páterinde óli kúıinde tabyldy. Aldyn ala derek boıynsha ol ózine-ózi qol jumsaǵan.

Pavlodar oblystyq prokýratýrasy atalǵan faktini rastady.

«Baıanaýyl aýdandyq prokýratýrasy qyzmetkeriniń ólimine qatysty oblystyq polıtsııa departamenti QR Qylmystyq kodeksiniń 105-baby 1–tarmaǵy boıynsha (ózin-ózi óltirýge deıin jetkizý) sotqa deıingi tergeý júrgizip jatyr», - dep habarlady óńirlik prokýratýranyń baspasóz qyzmetinen.

Qaıtys bolǵan azamattyń sońynda eki balasy men áıeli qaldy.

Eske sala keteıik, Pavlodarda stýdent qyz jataqhanada ózine qol jumsady.