Baýyrjan Baıbek birinshi bolyp Ýnıversıada -2017 bıletin satyp aldy
Búgin Almatyda Ýnıversıadanyń bastalýyna 100 kún qalýyna oraı aldaǵy halyqaralyq stýdentter oıyndaryna bıletter satylymǵa shyqqany habarlandy.
Qala ákimi Baýyrjan Baıbek oıyn bıletterin Balýan Sholaq atyndaǵy sport jáne mádenıet saraıynan satyp aldy.
Búginnen bastap almatylyqtar Ýnıversıada bıletterin Balýan Sholaq atyndaǵy sport jáne mádenıet saraıynyń , Memlekettik tsırk, Meloman jelisiniń kassalarynan satyp ala alady.Sondaı-aq, jaqyn ýaqytta bıletterdi satý úshin Qazaqstannyń ózge de jetekshi bılet operatorlary iske kirisedi. Bıletterdi satýmen aınalysatyn resmı veb-portaldar: almaty2017.com">almaty2017.com , fisuticket.com">fisuticket.com jáne kassir.kz">kassir.kz .
2017 jylǵy Ýnıversıadanyń resmı bılet operatory bolyp KASSIR.KZ tanyldy.
«Búgingi tańda kelesi myna sport túrleri boıynsha bıletter satylymǵa tústi: taý shańǵysy, bıatlon, shańǵy saıysy, shańǵy qossaıysy, snoýbord, frıstaıl, kerlıng, short-trek, hokkeı (áıelder), hokkeı (erler), tramplınnen sekirý, konkımen júgirý. Jarys kestesimen oıyndardyń resmı saıty www.almaty2017.com">almaty2017.com arqyly tanysa alasyz», dep habarlady uıymdastyrý komıtetinen.
Aıta ketý kerek, saıystardaǵy bıletterdiń baǵasy 300 teńgeden, 3500 teńgege deıin. Al, Ýnıversıadanyń ashylý jáne jabylý saltanattary 3000 jáne 15000 teńge aralyǵynda.
Ýnıversıada sekildi osyndaı buqaralyq sporttyq is-sharalar ótkizý «5 ınstıtýtsıonaldyq reformany iske asyrý boıynsha 100 naqty qadam» baǵdarlamasyn júzege asyrý aıasynda josparlanǵan.
«100 naqty qadam» Ult josparynyń 88-qadamyn júzege asyrý aıasynda atalǵan sharany ótkizý Jalpyǵa birdeı eńbek Qoǵamy ıdeıasyn nasıhattaýǵa baǵyttalǵan. Osylaısha, Ýnıversıada-2017 sharasyna qatysatyn jáne joǵary nátıje kórsetetin qazaqstandyq sportshylar, óz tabystarymen elimizdi sporttaǵy jańa halyqaralyq deńgeıge alyp shyǵady.
Eske sala ketsek, 2016 jyly 17 aqpanda Memleket basshysy Nursultan Nazarbaev 28-shi Dúnıejúzilik qysqy Ýnıversıada 2017 oıyndaryna daıyndyq jáne Almaty qalasyn damytý máseleleri jóninde keńes ótkizdi. Óz sózinde Nursultan Nazarbaev Ýnıversıadanyń Qazaqstan úshin úlken ekonomıkalyq paıda ákeletin mańyzdy ımıdjdik joba ekenin atap ótti jáne Úkimetke, uıymdastyrý komıtetine jáne qala ákimdigine atalǵan is-sharaǵa daıyndalý úshin barlyq qajetti sharalardy qabyldaýdy tapsyrdy.
