Baýyrjan Baıbek almatylyqtardy Ýnıversıadanyń bastalýyna 100 kún qalýymen quttyqtady

ALMATY. QazAqparat - Búgin Almatyda Balýan Sholaq atyndaǵy sport jáne mádenıet saraıy aldynda 2017 jylǵy 28-shi qysqy Dúnıejúzilik Ýnıversıadanyń bastalýyna 100 kún qalǵany atalyp ótildi, dep habarlady «QazAqparat» tilshisi.

Saltanatty sharaǵa qala basshysy Baýyrjan Baıbek qatysty.
«Ýnıversıadanyń bastalýyna 100 kún qalýyna oraı oıyndardyń basty mýzykalyq taqyrybyn tanystyrý merekesinde qaýyshqanyma qýanyshtymyn. Qazaqstan TMD elderi ishinde alǵash bolyp atalǵan ýnıversıadany qabyldap otyr. Almaty elimizdiń sporttyq deńgeıin jańa deńgeıge kóteredi», - dedi Almaty ákimi Baýyrjan Baıbek.
Eske sala keteıik, búkilálemdik qysqy Ýnıversıada 2017 jyly 29 qańtar men 8 aqpan aralyǵynda Almaty qalasynda ótedi. Qazirgi tańda 58 memleket jarysqa qatysatynyn rastady. Ýnıversıadada sporttyń 12 túri boıynsha 86 medaldar jıyntyǵy utysqa salynady.
Sondaı-aq, jarystar 8 sporttyq nysanda: «Almaty Arena» jáne «Halyq Arenadan» bólek, «Shymbulaq», «Medeý», «Suńqar» tramplıni, B. Sholaq atyndaǵy sport saraıy, «Alataý» shańǵy-bıatlon stadıony jáne Almaty oblysyndaǵy «Tabaǵan» kesheninde ótedi.