«Baýyrsaq kúni» 5 jyldyq mereıtoıyn atap ótpek
dep habarlaıdy QazAqparat.
Sharany «Baýyrsaq kúni» atty kommertsııalyq emes qor men «Úlken Alma» atty áleýmettik jobany qolǵa alyp otyrǵan erikti top jáne «Jetisý» kásiporny uıymdastyrýda.
Mereke aıasynda eski dástúrdi jańǵyrtý maqsatynda alǵash ret Otandyq alma ósirýshilerdiń alma jármeńkesi uıymdastyrylady.
«Jeńil formatta ótetin osy mereke arqyly ár azamattyń boıyna patrıottyq sezimdi uıalatý, Almaty qalasyna «Almaly qala» mártebesin berý, baýyrsaqty ulttyq brendke aınaldyrý kózdelgen. Merekeniń negizgi maqsaty - jurtshylyqqa «jabaıy» ormanda ósetin álemdik sıvers almasynyń mádenı qundylyǵynan habardar etý, almanyń jańa túrlerin ósirý joldaryn tabý, tektik qoryn saqtap qalý sııaqty ózekti máselelerdi kóterý jobanyń negizgi ıdeıalary bolyp tabylady», deıdi «Baýyrsaq kúni» qoǵamdyq qorynyń kóshbasshysy Mına Bakarasova.
Aýyl sharýashylyǵy ǵylymynyń kandıdaty Tatıana Salovanyń aıtýynsha, ǵalymdar álemde ósetin jabaıy almalardyń 30 túriniń atasy, bizdiń elde ósetin «Sıvers» almasy ekenin dáleldegen. «Sondyqtan da, barlyq alma ósetin jerlerdi saqtaýymyz kerek. Bizdiń elde, teńdesi joq almanyń óskenine maqtan tutýymyz kerek, sonymen qatar álemniń aldynda ony jaýapkershilikpen qorǵap, saqtaýymyz kerek», deıdi ol.
«Biz - elimizdiń patrıotymyz. Sondyqtan «Alma» máselesi ár adamdy tolǵandyrsa, oılantsa deımiz. Almany ulttyq brend retinde jańǵyrtsaq degen oıymyz bar», deıdi qoǵamdyq qordyń kóshbasshylarynyń biri Oleg Bashmakov.
