Batystaǵy áskerı bólimder dabylmen kóterildi

ATYRAÝ. QazAqparat – «Batys» óńirlik qolbasshylyǵynyń áskerı bólimderi dabylmen kóterilip, jazǵy oqý-jattyǵý kezeńin bastady, dep habarlaıdy QazAqparat.

Óńirlik qolbasshylyqtyń baspasóz qyzmetiniń málimetinshe, Aqtaý, Aqtóbe jáne Atyraý garnızondarynyń áskerı bólimderinde jeke qurammen memlekettik jáne quqyqtyq daıyndyqtan sabaqtar ótken. Áskerı bólimder taktıkalyq-saptyq jattyǵýlaryn ótkizý úshin jeke quram dabyl boıynsha kóterilgen.

«Ótkizilip jatqan sharalardyń basty maqsaty – áskerlerdi jaýyngerlik-jedel basqarý jáne basqarý júıesin jetildirý. Biz jaýyngerlik daıyndyq kezinde áskerı bólimderdiń berilgen tapsyrmany ýaqytynda oryndaý múmkindigin tekseremiz. Osy ýaqytta áskerı bólimderde jyljymaly jáne statsıonarlyq komandalyq pýnktter qurylyp, baılanystyń, komendanttyq qyzmettiń barlyq túri uıymdastyrylady» - deıdi «Batys» óńirlik qolbasshylyǵy jedel bóliminiń bastyǵy, polkovnık Talǵat Kenjetaev.

Eske sala ketelik, budan buryn Batysta jas sarbazdar áskerı daıyndyqtan ótip, Otanǵa adal bolýǵa ant bergen edi.