Batys óńirlerde zańsyz aýlanǵan 18 tonna balyq tárkilenip, 10 mln teńge aıyppul salyndy
Atalǵan sharany 1 sáýirden bastap UQK Shekara qyzmeti, tabıǵatty qorǵaý prokýratýrasy, Kedendik baqylaý jáne balyq qorǵaý organdary birlesip ótkize bastady.
«Operatsııa bastalǵan ýaqyttan beri 269 quqyqbuzýshylyq anyqtaldy. Onyń ishinde zańsyz aýlaý, satyp alý jáne ótkizý, 24 balyq jáne balyq ónimderin tasymaldaý faktisi tirkeldi. Shara barysynda 241 quqyq buzýshy ustaldy. Olardan 18 tonna balyq, sonyń ishinde 4 tonnadan astam bekire tuqymdas balyqtar, 200 balyq aýlaý, onnan asa júzý quraldary tárkilendi», - dedi QR ІІM resmı ókili Nurdildá Oraz mınıstrliktiń aptalyq brıfınginde.
22 is boıynsha sotqa deıingi tergeý bastalǵan jáne 225 adam ákimshilik jazaǵa tartylyp, 10 mıllıonǵa jýyq aıyppul salynǵan.
«Mysaly, Atyraý oblysynyń sý polıtsııasy qyzmetkerleri oblys ortalyǵy turǵynynan 247 dana nemese zańsyz aýlanǵan bir tonnaǵa jýyq bekire tuqymdas balyq tárkiledi. Qazirgi ýaqytta ósimdikterdiń nemese janýarlardyń sırek kezdesetin jáne paıdalanýǵa tyıym salynǵan túrlerin zańsyz paıdalaný faktisi boıynsha sotqa deıingi tergep-tekserý júrgizilýde. Kúdikti ýaqytsha ustaý ızolıatoryna qamaldy», - deıdi N. Oraz.