Batys Qazaqstanǵa 29 250 doza Pfizer vaktsınasy jetkizildi

ORAL. QazAqparat – Batys Qazaqstan oblysyna «Pfizer» kompanııasy óndirgen 29 250 doza «Komırnatı» vaktsınasy jetkizildi. Bul týraly BQO densaýlyq saqtaý basqarmasy basshysynyń orynbasary Gúlnár Ábdirahmanova óńirlik kommýnıkatsııalar qyzmeti alańynda ótken brıfıngide málim etti, dep habarlaıdy QazAqparat tilshisi.

Onyń aıtýynsha, qazirgi kezde vaktsına emhanalarǵa taratylýda.

«Erteńnen bastap jasóspirimder, sondaı-aq júkti jáne bala emizetin áıelder egiledi. Bastapqyda 16-dan 18 jasqa deıingi jasóspirimder ekpe alady. Sodan keıin 15, 14, 13 jáne 12

jastaǵy balalarǵa kezek keledi», dedi G.Ábdirahmanova.

BQO sanıtarlyq-epıdemıologııalyq baqylaý departamenti basshysynyń orynbasary Nurlybek Mustaevtyń sózine qaraǵanda, óńirde osy ekpege qatysty oblys ákiminiń

orynbasary tóraǵalyq etetin jumys toby quryldy. Onyń quramyna oblystyq sanıtarlyq-epıdemıologııalyq baqylaý departamenti, bilim jáne densaýlyq saqtaý basqarmalarynyń basshylary kirdi. Qazirgi kezde egiletin kontıngent sany naqtylanýda.

Eske sala keteıik, budan buryn BQO-da 244 myńnan astam adamnyń koronavırýsqa qarsy ekpe alǵanyn jazǵan bolatynbyz.