Batys Qazaqstanda jyl basynan beri 7 myń adam koronavırýs juqtyrdy
BQO densaýlyq saqtaý basqarmasy málim etkendeı, sonyń 3 775-inde aýrý belgileri bolsa, 3 323-i – sımptomy joqtar.
Sońǵy táýlikte 115 adamnan indet tabyldy.
Oblysta COVID-19 dıagnostıkasy boıynsha 14 zerthana jumys isteýde. Sońǵy táýlikte 2 037 zertteý júrgizildi.
Qazirgi tańda 751 tósektik 14 ınfektsııalyq statsıonarda 351 naýqas emdelýde. Sonyń 328-i Oral qalasynda 578 tósektik 8 statsıonarda jatyr.
Jansaqtaý bólimshesindegi 19 adamnyń 16-sy aýyr, úsheýi asa aýyr halde. Invazıvti jasandy tynys alý apparatyna 3, ınvazıvti emes osyndaı qurylǵyǵa 4, ottegi kontsentratoryna 12 adam qosylǵan.
Óńirde 1959 rezervtik tósek-oryn (1084-i ınfektsııalyq, 875-i karantındik) ázirlendi.
Oblysta 167 monıtorıngtik toptar jumys jasap jatyr. Jyl basynan beri 112 reıd kezinde 520 uıym qamtyldy, 2 karantın talabyn buzýshylyq tirkeldi.
Basqarmadan túsken málimetke qaraǵanda, 266 414 adam (egilýge tıisti turǵyndardyń 64,3 paıyzy) birinshi, 249 011-i (60,1 paıyz) ekinshi komponentpen egildi.
Sondaı-aq 42 854 adam revaktsınatsııadan ótti. 8 568 adam Pfizer vaktsınasyn saldyrsa, sonyń 300-i – júkti, 3 850-i – bala emizetin áıelder, 4 418-i – jasóspirimder.
Eske sala keteıik, budan buryn BQO-da 266 myńnan astam adamnyń koronavırýsqa qarsy ekpe saldyrǵanyn jazǵan bolatynbyz.
