Batys Qazaqstanda tasqyn sý basý qaýpi bar eldi mekender anyqtaldy
BQO TJ departamenti tótenshe jaǵdaılardyń aldyn alý basqarmasynyń bastyǵy Nuraly Músıevtiń óńirlik kommýnıkatsııalar qyzmeti alańynda ótken brıfıngide málim etkenindeı, oblysta kópjyldyq monıtorıngke sáıkes barlyǵy 138 eldi meken baqylaýǵa alyndy.
Onyń aıtýynsha, sonyń 105-inde ınjenerlik-qorǵaý sharalary nátıjesinde qaýip azaısa, bireýi tizimnen syzyldy.
Kúni búgin Oral qalasynda Derkól kentinde, sondaı-aq Bórli aýdanynda 9, Aqjaıyqta 2, Kaztalovta 4, Terektide 2, Tasqalada 1, Báıterekte 13, barlyǵy 32 eldi mekende ınjenerlik qorǵaýdyń bolmaýyna baılanysty qaýip saqtalýda.
Aldyn ala boljamǵa sáıkes BQO sý tasqyny qaýpi joǵary óńirlerdiń qataryna kiredi. Kúni búgin kóktemgi sý tasqynyna qarsy is-sharalar jalǵasýda.
Tótenshe jaǵdaılardyń aldyn alý baǵytynda 708 tehnıka, 69 júzý quraly, 265 motopompa jáne jeke quramnan 3269 adam daıyndaldy.
«Sý tasqyna qaýpi bar ózenderdegi muz keptelisterin boldyrmaý úshin jarylys jumystaryn júrgizýge oblystyq bıýdjetten 98 mln teńge bólindi. Alaıda bul jumystar eldi mekenderden 500 metrden astam qashyqtyqta júrgiziletinin eskere otyryp, muz kesý jáne burǵylaý, sondaı-aq aýylǵa jaqyn mańda qamys pen ósimdikterdi shabý tájirıbesi engizildi. Qazirgi kezde Tasqala aýdanyndaǵy Derkól jáne Qaratóbedegi Shıeli ózenderinde qamystar shabylýda», dedi N.Músıev.
Foto: QR TJM baspasóz qyzmeti