Batys Qazaqstanda memlekettik qyzmette 146 oryn bos tur
QR Memlekettik qyzmet isteri agenttigi BQO boıynsha departamentiniń basshysy, ádep jónindegi keńes tóraǵasy Murat Baısalovtyń óńirlik kommýnıkatsııalar qyzmeti alańynda ótken brıfıngte málim etkenindeı, óńirde barlyǵy 413 memlekettik organda 3 530 shtat sany (2 211-i ákimdikterde, 1 319-y ortalyq memorgandardyń bólimshelerinde) bar.
Onyń sózine qaraǵanda, qazirgi kezde 3 401 memlekettik qyzmetshi
(ákimdikterde – 2 130, ortalyq memorgandardyń bólimshelerinde – 1 271) óz qyzmetterin atqarýda.
Bos laýazymdar sany 146 bolsa, sonyń 74-i ákimdikterde, 72-si ortalyq memorgandar bólimshelerinde.
Jyl basynan beri 212 adam ákimshilik memlekettik qyzmetke taǵaıyndaldy.
Departament basshysynyń aıtýynsha, memlekettik qyzmette áıelderdiń sany basymyraq (1 981 nemese 58,2 paıyz), erler – 1 420 nemese 41,8 paıyz.
Sondaı-aq 16 zeınetker eńbek kelisimi negizinde jumys istep júr. 105 memlekettik qyzmetshi zeınetkerlik jasqa jaqyndaǵan.
Oblys boıynsha 3 092 qyzmetshiniń joǵary bilimi bar. Al 309 adam orta bilim jáne orta kásiptik bilim alǵan.
14 memlekettik qyzmetshi Prezıdent janyndaǵy Memlekettik basqarý akademııasyn bitirse, 10-y – «Bolashaq» baǵdarlamasynyń túlekteri, 65 adamnyń sheteldik bilimi bar.
«Ádep jónindegi keńes qyzmettik tártipti nyǵaıtý, sybaılas jemqorlyqtyń jáne qyzmettik etıka normalaryn buzýdyń aldyn alýǵa baǵyttalǵan sharalardy iske asyrý boıynsha 36 usynymdy oblystyń memlekettik organdaryna joldap, onyń barlyǵy oryndaldy. Tártiptik isterdi qaraý nátıjeleri boıynsha Ádep kodeksiniń talaptaryn saqtamaǵany úshin 4 laýazymdy tulǵaǵa tıisinshe tártiptik jaza qoldanyldy. Sol sekildi departamentpen 29 ákimshilik quqyqbuzýshylyq týraly hattama toltyrylyp (Ákimshilik quqyq buzýshylyq týraly kodekstiń 99-baby – 28, 154-baby – 1), aıyppul retinde bıýdjetke 1,2 mln teńge óndirildi. Jyl basynan beri zańnamany buzǵany úshin 15 tulǵa túrli tártiptik jaýapkershilikke tartyldy», dedi M.Baısalov.
Eske sala keteıik, budan buryn Batys Qazaqstanda alıment tólemegen 80 boryshkerdiń izdestirilip jatqanyn jazǵan bolatynbyz.