Batys Qazaqstanda ınflıatsııa deńgeıi 103,2 paıyzdy qurady

ORAL. 21 qarasha. QazAqparat - Batys Qazaqstan oblysynda bıylǵy qazanda ınflıatsııa deńgeıi ótken jyldyń jeltoqsanymen salystyrǵanda 103,2 paıyzdy qurady.

Oblystyq statıstıka departamentinen túsken málimetke qaraǵanda, bıylǵy on aıda azyq-túlik taýarlarynyń baǵasy 3,4 paıyzǵa ósti. Ettiń  baǵasy 9,1, sonyń ishinde shoshqa eti - 5,7, jylqy eti - 10,4, qoı eti - 12,8, sıyr eti 14 paıyzǵa  qymbattady. Kondıter ónimderi - 3,1, bólke jáne unnan jasalǵan kondıter ónimderi - 3,9, qant - 6,1, un - 11,9, nan - 2,9,  makaron ónimderi  1,6 paıyzǵa kóterildi. Esesine kókónis baǵasy - 4,4, onyń ishinde pııaz - 6,1, qyzylsha - 7,4, qııar - 13,2, qyzanaq   22,6 paıyzǵa tómendedi. Kartop 13,7 paıyzǵa arzandady. Osy kezeńde jarma  baǵasy  16,3 paıyzǵa tústi.