Batys Qazaqstanda baqtashy 36 dana kıik múıizimen ustaldy
BQO polıtsııa departamentiniń baspasóz qyzmeti málim etkendeı, óńirde 18 qańtar – 1 aqpan aralyǵynda «Brakoner» jedel aldyn alý is-sharasy júrgizilýde.
«Ohotzooprom» ÓB» RMQK ınspektorlary men Jánibek aýdany polıtsııa bólimi birlesip júrgizgen reıdtik is-sharalar kezinde Borsy aýyldyq okrýgindegi qystaq mańynda sharýa qojalyqtarynyń birinde malshy bolyp jumys isteıtin 27 jastaǵy turǵyn qolǵa tústi.
Odan 36 dana kıik múıizi tárkilenip, sot-bıologııalyq saraptamaǵa jiberildi.
Osyndaı oqıǵa kórshiles Bókeı ordasy aýdanynda da boldy. «Qurmanǵazy» qystaǵy mańynda qos múıizi bar kıiktiń basyn zańsyz tasymaldaǵan 1990 jylǵy turǵyn ustaldy.
Qazirgi kezde eki oqıǵa boıynsha da QR QK 339-baby 1-1-bóligine sáıkes sotqa deıingi tergeý amaldary júrgizilýde.
Eske sala keteıik, budan buryn Batys Qazaqstanda 2652 dana kıik múıizi tárkilengenin jazǵan bolatynbyz.