Batys Qazaqstanda áskerı jattyǵý ótip jatyr

ORAL. QazAqparat - Batys Qazaqstan oblysynda «Beket-2022» keshendi oqý-jattyǵýy ótýde, dep habarlaıdy QazAqparat tilshisi.

QR Qorǵanys mınıstrliginen málim etkenindeı, oqý-jattyǵý barysynda ortalyq memlekettik jáne jergilikti atqarýshy organdardyń ókilderi daǵdarystyq jaǵdaıdy eńserýdi, sondaı-aq syrttan qaýip tóngen kezdegi ár túrli stsenarıılerdi pysyqtaıdy.

Іs-sharalarǵa Qorǵanys, Іshki ister, Tótenshe jaǵdaılar, Ulttyq ekonomıka, Densaýlyq saqtaý, Qarjy, Aqparat jáne qoǵamdyq damý mınıstrlikteriniń, UQK Shekara qyzmetiniń jáne Ulttyq ulannyń jedel toptary qatysýda.

«Keshendi oqý-jattyǵý vedomstvoaralyq ózara is-qımyl deńgeıin, jergilikti atqarýshy organdar is-qımylynyń úılesimdiligin arttyrýǵa, birlesken tapsyrmalardy oryndaý arqyly jeke quramnyń mashyǵyn jetildirýge baǵyttalǵan», dep habarlady vedomstvodan.

Foto : gov.kz