Batys Qazaqstanda 2,5 tonna balyq tıep kele jatqan avtokólik ustaldy

ORAL. QazAqparat – Batys Qazaqstan oblysynda «Bekire-2021» jedel aldyn alý is-sharasy barysynda 2,5 tonnadan astam balyq tıep kele jatqan avtokólik ustaldy, dep habarlaıdy QazAqparat tilshisi.

BQO polıtsııa departamentiniń baspasóz qyzmetinen túsken málimetke qaraǵanda, oqıǵa Aqjaıyq aýdany Býdarın aýyly tusynda boldy.

45 jastaǵy júrgizýshi aıdap kele jatqan «Gazel» avtokóligin toqtatyp, teksergen kezde 2500 kg qara balyq, sondaı-aq 51 kg bekire tuqymdas balyq tabyldy.

Tárkilengen balyq «Kaspıı Ýral» JShS-yna saqtaýǵa tapsyryldy.

Qazirgi kezde atalǵan derek boıynsha QR QK 196-baby 1-bóligine (kórineý qylmystyq jolmen tabylǵan múlikti ıemdený nemese ótkizý) sáıkes sotqa deıingi tergeý amaldary júrgizilýde.

Eske sala keteıik, budan buryn Qyzylordadan Oraldaǵy túrmege esirtki jetkizbek bolǵan qylmystyq toptyń ustalǵanyn jazǵan edik.