Batys Qazaqstanda 186 myń gektar jer sharýalarǵa berildi

ORAL. QazAqparat – Batys Qazaqstan oblysynda bıyl aýyl sharýashylyǵy jerlerin sharýalarǵa tabystaý maqsatynda 41 konkýrs ótkizildi, dep habarlaıdy QazAqparat tilshisi.

BQO jer qatynastary basqarmasynyń basshysy Murat Ómirálıevtiń óńirlik kommýnıkatsııalar qyzmeti alańynda ótken brıfıngte málim etkenindeı, sonyń nátıjesinde jalpy kólemi 186 myń gektardy quraıtyn 298 jer telimi sharýa qojalyqtary men aýyl sharýashylyǵy óndirisin júrgizýshilerge berildi.

Onyń sózine qaraǵanda, sonymen qatar jyl sońyna deıin 18 myń gektardy quraıtyn 37 jer telimin tabystaý boıynsha 6 konkýrs ótkizý josparlanyp otyr.

Basqarma basshysynyń aıtýynsha, 2019-2022 jyldar aralyǵynda paıdalanylmaı jatqan 1 mln 414 myń gektar aýyl sharýashylyǵy jerleri anyqtaldy.

Kúni búgin atqarylǵan jumystar nátıjesinde 284 myń gektar jer memleket menshigine qaıtaryldy. Oǵan uosa 868 myń gektar jer telimderiniń ıeleri maqsatyna saı ıgerýge kiristi.

Qazirgi tańda tekserý jumystaryn júrgizý úshin oblystyq jer resýrstaryn basqarý departamentine joldanǵan 262 myń ga jer boıynsha tıisti sharalar qabyldanýda. Atap aıtqanda, 61,9 myń gektar jer telimderi nysandaryna jer zańnamasynyń talaptaryn buzýshylyqty joıý týraly nusqamalar berilgen. 57,3 myń gektar jerlerdiń paıdalanýshylaryna tekseris júrgiziletini jóninde habarlamalar joldanǵan. 11,1 myń gektar jerdi paıdalanýshylarynyń qaıtys bolýyna nemese aktisi bolmaýyna baılanysty tekserý múmkindigi joq. 131,7 myń gektar jerlerge tekserý jumystary júrgiziledi.

«Prezıdent tapsyrmasyna sáıkes ıgerilmeı jatqan jáne zańsyz tabystalǵan jer telimderin qaıtaryp alý boıynsha tıisti sharalar júrgizilýde. Bıyl jyl sońyna deıin respýblıkada 5 mln, oblys boıynsha bekitilgen josparǵa sáıkes 250 myń ga jerdi memleketke qaıtarý josparlanǵan bolatyn. Bul rette jergilikti atqarýshy organdarmen júrgizilgen túsindirý jumystary nátıjesinde 173 myń gektar jerdi ıeleri óz erkimen qaıtardy. 54,1 myń gektar paıdalanylmaı jatqandyqtan, keri qaıtaryldy. ıAǵnı oblys boıynsha 227,1 myń gektar memleket menshigine ótti. Bul baǵyttaǵy jumystar jalǵasatyn bolady», dedi M.Ómirálıev.

Eske sala keteıik, budan buryn bokstan Batys Qazaqstan oblysynda 225 myń gektar jerdiń memleketke qaıtarylǵanan jazǵan bolatynbyz.