Batys Qazaqstan oblysynda 94 muǵalim jetispeıdi
BQO ákiminiń orynbasary Baqytjan Narymbetovtyń óńirlik kommýnıkatsııalar qyzmeti alańynda ótken brıfıngte málim etkenindeı, sonyń ishinde qazaq mektebindegi orys tili men ádebıeti páni, matematıka, bastaýysh synyp muǵalimi jáne tárbıeshi orys tilinde, pedagog-psıholog, logoped, defektolog mamandyqtary basymdyqqa ıe.
Baqytjan Haberulynyń sózine qaraǵanda, másele oqý júktemelerin ulǵaıtý jáne jas mamandardy jumysqa tartý arqyly sheshilip jatyr.
Atap aıtqanda, 2023 jyly jergilikti qarajat esebinen bilim granttary óńirdiń joǵary bilimi bar kadrlarǵa qajettilikti eskere otyryp taǵaıyndalsa, sonyń 22-si – pedagogıkalyq mamandyq.
Sondaı-aq bıyl bilim berý uıymdarynyń 74 túlegine jergilikti bıýdjet qarajaty esebinen bilim berý granttaryn bólý týraly sertıfıkat berildi: medıtsınalyq (60), pedagogıkalyq (10), qala qurylysy, qurylys jumystary jáne azamattyq qurylys (4).
2017 jyldan bastap pedagogıkalyq mamandyqqa 200 grant berilse, sonyń 70-i sońǵy úsh jyldyń úlesine tıedi. Búgingi tańda 46 grant ıegeri bilim salasynda qyzmet atqarýda.
Ákim orynbasarynyń aıtýynsha, oblystyń bilim berý uıymdarynda barlyǵy 15 104 pedagog jumys istese, sonyń 12 731-i nemese 84,2 paıyzy – joǵary bilimdi, onyń ishinde magıstr dárejesi bar – 478 nemese 3,16 paıyz.
Oblys boıynsha 10 245 pedagog (67,8 paıyz) jańa formatta attestattaýdan ótti.
«Jańa oqý jylynda oblysta 376 (onyń ishinde 368 memlekettik kúndizgi, 3 memlekettik keshki, 5 jeke) jalpy bilim beretin mektep jumys jasaıdy, onda 121 myńnan astam oqýshy bilim alady. Bilim kúni qarsańynda 1-synypqa 13 174 oqýshy qabyldandy. Ótken oqý jylyn 5 789 túlek aıaqtasa, sonyń 4 942-si ulttyq biryńǵaı testileýden ótti. 2 805 mektep bitirýshi túlek nemese 57 paıyzy memlekettik grant ıegeri atandy. Bul kórsetkish ótken jylmen salystyrǵanda 9,4 paıyzǵa joǵary» dedi B.Narymbetov.
