Batys Qazaqstan oblysynda 200 tonnaǵa jýyq pishen otqa orandy

ORAL. QazAqparat - Batys Qazaqstan oblysynda 200 tonnaǵa jýyq pishen otqa orandy, dep habarlaıdy QazAqparat tilshisi.

BQO TJD baspasóz qyzmetinen túsken málimetke qaraǵanda, oqıǵa 25 tamyz kúni Jánibek aýdany Aqoba aýylynda boldy.

«Saǵat 00.44-te H. Habıýllın kóshesi, 6 mekenjaıynda aldyn ala málimet boıynsha 150 tonna pishen men aýmaǵy 108 sharshy metr qora-qopsy jandy. Sondaı-aq, S. Seıfýllın kóshesi, 4/1 mekenjaıynda 36 tonna pishen órtenip ketti. Adamdar zardap shekken joq. Órt saǵat 05.20-da oqshaýlanyp, 10.48-de aýyzdyqtaldy. Qazirgi kezde órttiń shyǵý sebebi, keltirilgen shyǵyn anyqtalý ústinde», - dep habarlady vedomstvodan.

Aýyl turǵyndarynyń sózine qaraǵanda, qasaqana ot qoıylýy da yqtımal.