Batýmıde 5 qabatty turǵyn úı opyrylyp qulady
Batýmıdiń ortalyǵyndaǵy bes qabatty korpýs búgin tús ýaqytynda qırady. Ǵımarat 26 mamyr jáne Abashıdze kósheleriniń arasynda ornalasqan.
Qırandylar astynda qalǵan avtokólikten áıel men onyń 6-7 jasar balasy shyǵaryldy.
BAQ-tyń habarlaýynsha, balanyń jaǵdaıy qanaǵattanarlyq, oǵan oqıǵa ornynda jedel járdem dárigerleri kómek kórsetti.
Qutqarýshylar qırandylardy krannyń kómegimen kóterýde. Qazirdiń ózinde úıindi astynan birneshe adam shyǵaryldy. Sonymen qatar ǵımarattyń janynda turǵan 10 avtokólik basylyp qalǵan.
Keıbir kýágerlerdiń aıtýynsha, úıdiń opyrylyp qulaýyna jarylys sebep bolǵan.
«Pırvelı» telekompanııasynyń málimetinshe, ǵımarattyń qıraǵan bóliginde 12 páter bolǵan. Kórshiles ǵımarattarda da jaryqtar paıda bolǵan.
Úıdiń qulaý sebebin resmı organdar ázirge aıtpady. Oqıǵa saldarynan qaza tapqandar bar dep boljanady, alaıda ázirge olardyń sany týraly da málimet joq.
