Batýmıde 108 qazaqstandyq týrıst qaldy

ASTANA. QazAqparat - Grýzııanyń Batýmı qalasynda Qazaqstannyń taǵy da 108 týrısi qalyp otyr. Olar taıaý ýaqytta elge oralady. Bul týraly Invesıtıtsııaar jáne damý mınıstriniń týrızm jónindegi keńesshisi Táńirbergen Berdońǵarov málim etti.

«(Batýmıde) 108 adam qaldy», - dep jazdy ol Facebook áleýmettik jelisindegi paraqshasynda.

Aıta keteıik, Batýmıden ushyp shyqqan 100 adamy bar ekinshi reıs búgin Astananyń halyqaralyq áýejaıyna aman-esen qondy. Al qazaqstandyq týrısterdi elge jetkizetin úshinshi reıs búgin tústen keıin Batýmıden ushyp shyǵady dep kútilýde. Reısti Bek Air kompanııasy oryndaıdy.

Esterińizge sala keteıik, 26 tamyzdan bastap 300-ge jýyq qazaqstandyqtar Batýmıden Qazaqstanǵa usha almady. Qazaqstanǵa reısterdi toqtatý «SKYBUS» avıakompanııasynyń áýe kemelerin ázirleýshilerdiń ushý jaramdylyǵy dırektıvin oryndamaýyna baılanysty qalyptasty. QR IDM Azamattyq avıatsııa komıtetiniń aqparatyna sáıkes 4 tamyzda «SKYBUS AQ birinshi basshysymen májilis ótti. Jıyn barysynda 15 tamyzda týrıstik fırmalarǵa qyzmet kórsetý sheshimi qabyldandy.

Budan basqa, AAK turaqty qadaǵalaý baǵdarlamasynyń aıasynda ushý jaramdylyǵy dırektıvin oryndaý  merzimderin saqtaý boıynsha sáıkessizdik anyqtaldy. Osyǵan oraı, 26 tamyzda  «SKYBUS» AQ Bombardier CL-600-2B19  «borttyq nómiri UP-CJ009 jáne UP-CJ010) áýe kemeleriniń ushý jaramdylyǵynyń sertıfıkattaryn toqtata turý sheshimi qabyldandy.