Batý han 275 jyl ómir súrdi - feık

NUR-SULTAN. QazAqparat - Qaznette Túrkııada Segıýtte ornatylǵan Batý han bıýstiniń sýreti taratylýda. Onda 1227-1502 jyldar kórsetilgen. Paıdalanýshylardyń aıtýynsha, bul bıleýshi ómir súrgen jyldar, sol zamanda uzaq ómir súrý qalypty jaǵdaı bolǵan. Bul jalǵan, dep jazady stopfake.kz saıty.

Batý Han – Shyńǵyshannyń nemeresi jáne Altyn Ordanyń negizin qalaýshy. Ol shamamen 1209 jyly dúnıege keldi jáne shamamen 1255-1256 jyldary qaıtys boldy. Bul – Grekov, Bartold , Vernadskıı jáne t.b. ǵalymdardyń eńbekterinde sıpattalǵan tarıhı fakt.

Batý hannyń músininde kórsetilgen jyldar Altyn Orda qurylǵan jáne ydyraǵan jyldar bolyp tabylady.
Buryn adamdar ǵasyrlar boıy ómir súrip, qazirgige qaraǵanda baıaý qartaıǵany týraly teorııalar – bul ǵylymı faktilerge qaıshy keletin mıf. Ǵalymdardyń pikirinshe, Batý han kezinde ómir súrý uzaqtyǵy týǵannan shamamen 31 jyl boldy, biraq 20-ǵa deıin ómir súrgenderdiń sol kezdegi standarttar boıynsha «uzaq», 45 jasqa deıin ómir súrýge múmkindigi boldy.

Demek, Batý hannyń 275 jyl boıy ómir súrgeni týraly teorııalar durys emes. Orta ǵasyrlarda ómir súrý uzaqtyǵy qazirgi ýaqytqa qaraǵanda áldeqaıda az boldy.