Batys Nil bezgeginen adam ólimi tirkeldi

ASTANA. KAZINFORM –Ispanııanyń Sevılıa qalasynda Batys Nil bezgeginen eki ólim tirkeldi. Osymen bıylǵy jazda bul vırýstan qurban bolǵandardyń jalpy sany beske jetti. Buǵan deıin jergilikti bılik vırýs juqtyrǵan on oqıǵany anyqtaǵanyn habarlaǵan, dep jazady Euronews.

Vırýsty tasymaldaýshy masalar Gvadalkıvır ózeniniń boıyndaǵy birneshe aýmaqta kezdesedi. Barlyq dárihanalarda «Masalardyń ómirin jeńildetpe!» degen urandar men ınfektsııanyń aldyn alý týraly keńester ilingen.

Bul aımaqtaǵy birneshe qalanyń turǵyndary buǵan deıin bılikten tıimdi shara qoldanýdy talap etip, sherýler de ótkizgen bolatyn.

Eýropalyq aýrýlardyń aldyn alý jáne baqylaý ortalyǵynyń málimeti boıynsha, jyl basynan beri Eýropanyń 9 eliniń 80-ge jýyq turǵyny Batys Nil vırýsyn juqtyrǵan. Ásirese Grekııa men Italııada.

Dárigerlerdiń aıtýynsha, qazir ınfektsııa maýsymy qyzyp tur: Eýropa aýa raıy maýsymnan qazanǵa deıin masalarǵa eń qolaıly kezeń.

Dúnıejúzilik densaýlyq saqtaý uıymy 80% jaǵdaıda ınfektsııa tolyǵymen sımptomsyz ótedi dep málimdeıdi. Júzden bir jaǵdaıda saldary óte aýyr bolýy múmkin, sonyń ishinde menıngoentsefalıt — julyn membranalarynyń qabynýy kóp kezdesedi.