Batys Qazaqstanda ushqyshsyz ushatyn apparat qulady
ORAL. KAZINFORM — Batys Qazaqstan oblysynda ushqyshsyz ushatyn apparattyń qulaǵany jóninde áleýmettik jelide beınejazba tarady.
Turǵyndardyń sózine qaraǵanda, oqıǵa Bórli aýdany ortalyǵy Aqsaı qalasyna qarasty Qyzyltal aýylynyń mańynda boldy. Dron túsip, jarylys bolǵan. Jarylys tolqyny úılerdi shaıqaǵan.
BQO polıtsııa departamentiniń baspasóz qyzmetinen málim etkenindeı, qazirgi kezde múddeli organdarmen birge Bórli aýdanynda ushqyshsyz ushatyn apparat bólikterine uqsas zattardyń tabylýyna baılanysty tekserý júrgizilip jatyr.
— Nysan eldi meken aýmaǵynan tys jerden tabylǵan. Oqıǵanyń barlyq mán-jaıy anyqtalyp jatyr, — dep habarlady vedomstvodan.
Budan buryn da Batys Qazaqstan oblysy aýmaǵyna birneshe dron qulaǵan bolatyn.
Eske sala keteıik, budan buryn Batys Qazaqstanda ushqyshsyz ushatyn apparat qulaǵanyn jazǵan edik.