Batys Qazaqstanda turǵyndar úshin gaz baǵasy arzandady
ORAL. KAZINFORM — Batys Qazaqstan oblysynda tutynýshylar úshin taýarly gaz baǵasy bekitildi.
BQO ákiminiń baspasóz qyzmetinen málim etkenindeı, qoǵamdyq mańyzy bar naryqtarda baǵa belgileý qaǵıdalaryn bekitý týraly QR Ulttyq ekonomıka mınıstriniń 2017 jylǵy 1 aqpandaǵy № 36 buıryǵyna sáıkes jáne QR UEM Tabıǵı monopolııalardy retteý komıteti BQO boıynsha departamentiniń bıylǵy 1 qazandaǵy haty negizinde qosymsha qun salyǵynsyz taýarly gazdy bosatý baǵalary 2025 jylǵy 1 qyrkúıekten bastap qoldanysqa engizildi.
Bul rette gaz taratý júıeleri arqyly tasymaldaý tarıfi eskerildi.
Atap aıtqanda, bosatý baǵalary bylaısha bekitildi:
1 myń tekshe metr taýarly gaz úshin turǵyndar — 20 128,66 teńge, memlekettik ataýly áleýmettik kómek nemese turǵyn úı kómegin alatyndar — 15 905,36 teńge, basqa zańdy tulǵalar — 29 731,67 teńge.
Qazaqstanda moratorııdiń engizilýine baılanysty atalǵan baǵalar 2026 jylǵy 1 qańtarǵa deıin ózgerissiz qalady.
— QR Premer-mınıstriniń orynbasary — Ulttyq ekonomıka mınıstri Serik Jumanǵarınniń tapsyrmasyna sáıkes 2025 jylǵy 1 qyrkúıekten bastap turǵyndar úshin gaz baǵasy qosymsha qun salyǵynsyz 20 128,66 teńge bolyp bekitildi. Oǵan deıin 23 914,59 teńge bolǵan edi, — dep habarlady vedomstvodan.
Eske sala keteıik, budan buryn Batys Qazaqstanda suıytylǵan gaz tapshylyǵy nelikten baıqalyp otyrǵanyn jazǵan edik.