Batys Qazaqstanda Saryaıdyn kólinde balyq qyrylyp qaldy

ORAL. KAZINFORM — Batys Qazaqstan oblysy Jańaqala aýdany Jańaqazan aýyldyq okrýgi Saryaıdyn kólinde balyqtyń qyrylyp jatqany jóninde áleýmettik jelide beınejazba jarııalandy.

Beınejazbada aıtylǵanyndaı, oqıǵa 19 naýryz kúni belgili boldy.
Balyqtar qysqy kezeńde aýa jetpegendikten qyrylǵan.

Posmotret etý pýblıkatsııý v Instagram

Pýblıkatsııa ot Aslan Omarov (@jaiyq_balyq)

Jaıyq-Kaspıı oblysaralyq basseındik balyq sharýashylyǵy ınspektsııasynan alynǵan málimetke qaraǵanda, balyq qyrylý deregi boıynsha aqparat 19 naýryz kúni keshte túsken. Qazirgi tańda atalǵan jazba boıynsha ınspektsııa mamandary zerdeleý jumystaryn júrgizýde.
Jańaqala aýdany Jańaqazan aýyldyq okrýginiń ákimi Sáken Ǵubashevtiń naqtylaýynsha, qysta aıaz qatty boldy, 28 gradýsqa deıin bardy.

Onyń túsindirýinshe, aıdynnan shamamen 1 shaqyrymdaı sholaq ózennen turba arqyly Saryaıdynǵa sý aǵady. Balyqtar aǵysqa qarsy júzedi ǵoı. Sol taıaz jerde qatty aıaz saldarynan qatyp qalǵan.

— Munyń sebebi, muz óte qalyń boldy, ózende 70-80 santımetrge deıin bardy. Betine qar tústi. Saryaıdynnyń jaǵdaıy muz ketken soń belgili bolady. Turǵyndar jańadan muz qatyp jatqan mezgilde balyq aýlaǵysy kelgen. Alaıda balyq sharýashylyǵy ınspektsııasy ınspektorlary olarǵa aıyppul salǵan soń bári tarap ketti. Balyq aýlaǵan kezde oıyq oıylady. Balyqtyń jappaı qyrylýyna jol berilmes edi. Osyndaı da másele bar. Ótken jyly mundaı jaǵdaı bolǵan joq, — dedi S.Ǵubashev.

Eske sala keteıik, budan buryn Batys Qazaqstanda sý aıdynynda balyqtyń qyrylyp jatqany ras pa, sony jazǵan bolatynbyz.