Batys Qazaqstanda Samara-Shymkent jolynyń eki ýchaskesin sý basyp ketti
ORAL. KAZINFORM — Batys Qazaqstan oblysynda respýblıkalyq Samara-Shymkent jolynyń eki ýchaskesin sý basty.
«QazAvtoJol» UK» AQ BQO fılıalynan málim etkenindeı, oqıǵa 26 naýryz kúni shamamen saǵat 23.30-da respýblıkalyq mańyzy bar Samara-Shymkent jolynda Qaratóbe aýdany Qoskól aýyly tusynda boldy.
«Qar men muzdyń tez erýi saldarynan avtojoldyń 479-shaqyrymynda jol júrý bóligin sý aldy. Onyń aýdany – 50 metr, al bıiktigi shamamen 10 santımetr. Joldyń osy ýchaskesinde jol tósemi deńgeıiniń tómendeýi anyqtalyp, bar qýatynda jumys isteıtin qubyr (dıametri - 4h2,5 m) ornatyldy. Qazirgi ýaqytta erigen sýǵa tosqaýyl qoıý maqsatynda ınertti materıaldar toltyrylǵan qaptar tóselip, belgisi bar baǵandar ornatylyp jatyr. Kólik qozǵalysy shektelgen joq. 15 adam 4 tehnıkamen jumyldyryldy. Jaǵalaýlarǵa qum qapshyqtary (500 dana) tóselýde. Táýlik boıy kezekshilik ornatyldy», - dep habarlady vedomstvodan.
Sonymen qatar 27 naýryz kúni saǵat 10.45-te atalǵan joldyń 428-shaqyrymynda Syrym aýdany Qońyr aýyly tusynda osyndaı oqıǵa boldy. Jol betine shyqqan sýdyń eni – 35-40 metr, bıiktigi – 4-5 sm. Bul jol ýchaskesinde de qubyr tolyq qýatynda jumys istep tur. Munda da erigen qar sýyn toqtatý jumystary júrgizilip jatyr. Kólik qozǵalysy shektelgen joq.
Eske sala keteıik, budan buryn Oral qalasy ákimine qatań sógis jarııalanǵanyn jazǵan bolatynbyz.
Sondaı-aq Batys Qazaqstannyń Ańqaty aýylynda 16 úıge sý kirdi.
