Batys Qazaqstanda jyl basynan beri 256 adam qyzylsha juqtyrdy
ORAL. KAZINFORM — Batys Qazaqstan oblysynda jyl basynan beri 256 adamnyń qyzylshamen aýyrǵany tirkeldi.
BQO sanıtarııalyq-epıdemıologııalyq baqylaý departamentiniń baspasóz mamany Kenjegúl Muhıtovanyń Kazinform tilshisine málim etkenindeı, ótken jyly tórt aıda tek 4 adam ǵana syrqattanǵan edi.
Onyń sózine qaraǵanda, bıyl qyzylsha dertine ilikkenderdiń 69-y – 1 jasqa deıingi sábıler, 115-i – 1-4 jas aralyǵyndaǵy baldyrǵandar. Sondaı-aq 24-i – 5-9 jas, beseýi – 10-14 jas, 9-y – 15-19 jas, 9-y – 20-29 jas aralyǵyndaǵylar, 25-i – 30-dan asqandar.
- Qyzylshanyń aldyn alýdyń eń tıimdi joly vaktsınatsııa ekendigin eske salamyz. Aýrýdyń aldyn alý úshin ulttyq ekpe kúntizbesine sáıkes vaktsına alý asa mańyzdy. Sonymen qatar jeke bas gıgıenasyn saqtap, adamdar kóp jınalatyn oryndarda saqtyq sharalaryn ustanǵan jón. Aýrý belgileri baıqalǵan jaǵdaıda dereý medıtsınalyq kómekke júginý qajet, - dedi K.Muhıtova.
Eske sala keteıik, budan buryn Batys Qazaqstanda qyzylshamen aýyrǵandar sany 100-den asqanyn jazǵan edik.
Sondaı-aq Batys Qazaqstanda 140-tan astam adam jiti ishek juqpalarymen aýyrdy.
