Batys Qazaqstanda boranǵa baılanysty birneshe jol jabyq tur

ORAL. KAZINFORM - Batys Qazaqstan oblysynda boranǵa baılanysty birneshe jol jabyldy. 

BQO TJ departamentiniń baspasóz qyzmetinen málim etkenindeı, «QazAvtoJol» UK» AQ BQO fılıalynyń málimeti boıynsha 16 qańtar kúni saǵat 01.20-dan bastap aýa raıynyń nasharlaýyna baılanysty (boran, joldyń durys kórinbeýi) respýblıkalyq mańyzy bar Oral-Tasqala-RF shekarasy (4-104 km), Samara-Shymkent (195-215 km, Reseı shekarasynan Oral qalasyna deıin) joldarynda júk jáne qoǵamdyq kólikter úshin shekteý qoıyldy. Munyń taǵy bir sebebi – Reseıdiń kórshiles Samara oblysynda da Samara-Bolshaıa Chernıgovka-QR shekarasy joly jabyq tur.

BQO jolaýshylar kóligi jáne avtomobıl joldary basqarmasynyń málimetine sáıkes saǵat 05.46-dan bastap boranǵa baılanysty oblystyq mańyzy bar Terekti-Aqsaı (0-82 km) joly barlyq kólik túrleri úshin jabyldy.

Sondaı-aq «QazAvtoJol» UK» AQ BQO fılıalynan málim etkenindeı, saǵat 09.20-dan bastap respýblıkalyq mańyzy bar Chapaev-Jalpaqtal-Kaztalov jolynda (0-213 km, Chapaevtan Kaztalovqa deıin) barlyq kólik túrlerine shekteý qoıyldy.

Eske sala keteıik, budan buryn Batys Qazaqstanda boranǵa baılanysty eki respýblıkalyq jolda qozǵalys shektelgenin jazǵan bolatynbyz.