Batys Qazaqstanda aýyl ishine qasqyr kirip ketken

ORAL. KAZINFORM — Batys Qazaqstan oblysy Kaztalov aýdanynda aýyl ishine qasqyr kirip ketken.

Áleýmettik jelide taralǵan beınejazbada málim bolǵanyndaı, qasqyrdy aýyl adamdary avtokólikpen taptap óltirgen.

Eskertý: Vıdeoda balaǵat sózder bar

Kaztalov aýdany ákimdigi oqıǵanyń 10 jeltoqsan kúni Ájibaı aýylynda bolǵanyn rastady.

— Qasqyrdy aýyl turǵyndary óz kúshimen zalalsyzdandyrǵan. Veterınarııalyq stantsııa ókilderi túz taǵysynyń denesin joıý jumystaryn júrgizgen. Qasqyrdyń basy oblystyq veterınarııalyq zerthanaǵa joldandy. Aýylda jaǵdaı turaqty, — dep habarlady vedomstvodan. 

Kórshiles Bókeı ordasy aýdany Bórli aýylynda turatyn «Sısenǵalıev R.A.» sharýa qojalyǵynyń basshysy Isataı Sısenǵalıev sońǵy kezde qasqyrdyń malǵa shabýy jıilegenin jetkizdi.

— Qazirgi kezde ıt-qus kúnde maldy jep ne tartyp ketip jatyr. Qasqyrdan zııanǵa qalǵan turǵyndar álsin-álsin habarlasady. Munyń bári — bóriniń kóbeıip ketýiniń kesirinen, — dedi Kazinform tilshisine I.Sısenǵalıev. 

Eske sala keteıik, budan buryn Batys Qazaqstanda sharýalar mal qystaǵyna qanshalyqty daıyn ekendigin jazǵan bolatynbyz.