Batys Qazaqstanda 30 myńdaı kıik aýlandy

ORAL. KAZINFORM – Batys Qazaqstan oblysynda kıik sanyn retteý jumystary 30 qarashaǵa deıin sozylady.

BQO orman sharýashylyǵy jáne janýarlar dúnıesi aýmaqtyq ınspektsııasynyń basshysy Nurlan Rahymjanovtyń málim etkenindeı, oblys boıynsha kúni búginge deıin 30 myńdaı kıik aýlandy.

Onyń sózine qaraǵanda, qyrkúıek aıyna deıin kıiktiń tek tekeleri atylyp kelse, qazirgi kezde analyǵy men bıylǵy tóli de aýlanyp jatyr.

- Bul iske barlyǵy 14 brıgada jumyldyrylsa, sonyń 8-i atý, altaýy koral ádisimen aýlap jatyr. 120-daı adam alpys shaqty tehnıkamen jumys isteıdi. Kúni búgin kıik Kaztalov, Jańaqala, Aqjaıyq aýdandarynda aýlanýda. Aqbókenniń sanyna qaraı mundaı jumys basqa aýdandarda da júrgiziledi, - dedi N.Rahymjanov.

Onyń aıtýynsha, osy óńirden 7 jáne kórshiles Atyraý oblysynan «Batys KZ 25» kásiporny etti qabyldap jatyr.

- Turǵyndar kıik etin qaıdan satyp alamyz? degen saýaldy jıi qoıady. Buǵan baılanysty aıtarymyz, Oral qalasy mańynda Báıterek aýdany Baıqonys aýylynda ornalasqan «Jeńis» JK kıik etin satýda. Al «Kýbleı» JShS aqbóken etin qabyldaǵanmen, ony qalbyr jasaý úshin jınaqtap jatyr, - dedi ınspektsııa basshysy.

Eske sala keteıik, budan buryn Batys Qazaqstanda kıik sanyn retteý jumystary qalaı júrgizilip jatqanyn jazǵan edik.