Batys Qazaqstanda 1 myń gektar aýmaqta shóp órtendi
ORAL. KAZINFORM — Kaztalov aýdany Taldyqudyq aýyldyq okrýgi aýmaǵynda qurǵaq jáne shabylǵan shópter otqa orandy.
BQO TJ departamentiniń baspasóz qyzmetinen málim etkenindeı, oqıǵa Pshat qystaǵy mańynda 13 tamyz kúni bolyp, 1 myń gektar aýmaqty qamtydy.
«Órt oqshaýlanyp, tolyqtaı sóndirildi. Eldi mekenderge qaýip tóngen joq. Oqıǵa ornynda TJD bastyǵynyń orynbasary Janbolat Janshın bolyp, órtti sóndirýge basshylyq etti. «Tilsiz jaýdy» aýyzdyqtaýǵa TJ departamentinen, memlekettik emes órtke qarsy qyzmetten jáne Kaztalov, Aqjaıyq, Tasqala aýdandary erikti órt sóndirý qurylymdarynan barlyǵy 114 adam, 24 tehnıka jumyldyryldy», - dep habarlady vedomstvodan.
Taldyqudyq aýyldyq okrýginiń ákimi Eldar Amanǵalıev qazirgi kezde órtten kelgen shyǵynnyń naqtylanyp jatqanyn jetkizdi.
BQO TJ departamentiniń málimeti boıynsha bıyl jyl basynan beri 390 órt tirkelse, sonyń 11-i – dala, úsheýi – orman órti. Sonyń saldarynan 461 mln 406,6 myń teńge zalal keltirilgen.
Eske sala keteıik, budan buryn Batys Qazaqstanda 11 jastaǵy oqýshynyń sýǵa batyp bara jatqan qyzdy qutqarǵanyn jazǵan bolatynbyz.
