Batys Qazaqstan oblysynyń prokýrory qyzmetinen ketti

ORAL. KAZINFORM –  Batys Qazaqstan oblysynyń prokýrory Serik Shalabaev qyzmetinen bosatyldy.

BQO prokýratýrasynyń baspasóz qyzmetinen málim etkenindeı, S.Shalabaevtyń qyzmette bolýdyń shekti jasyna jetýine baılanysty Bas prokýrordyń buıryǵy shyqqan. 

Qazir BQO prokýrorynyń mindetin Dáýren Omarǵalıev atqaryp jatyr.

Serik Rysqalıuly 1965 jyly Mańǵystaý oblysy, Taýshyq aýylynda dúnıege kelgen.

Prokýratýra organdarynda 1992 jyldan bastap qyzmet atqardy.

2022 jylǵy 27 shildeden beri Batys Qazaqstan oblysynyń prokýrory boldy.

Eske sala keteıik, budan buryn birqatar oblystyń prokýrorlary taǵaıyndalǵanyn jazǵan edik.