Batys Qazaqstan oblysynda sýdyń kóterilý deńgeıi turaqtaldy – TJM

ASTANA. KAZINFORM – Tótenshe jaǵdaılar mınıstrligi Batys Qazaqstan oblysyndaǵy qazirgi sý tasqyny jaǵdaıy týraly tyń málimetpen bólisti.

«Azamattyq qorǵaý qyzmetteri Atyraý, Aqtóbe, BQO jáne SQO-da sý tasqynyna qarsy jáne saldaryn joıý is-sharalary men halyqqa kómek jumystary jalǵasýda. Batys Qazaqstan oblysynda sýdyń kóterilý deńgeıi turaqtalýda. Sý basqan óńirlerge monıtorıng júrgizý jáne patýrldeý úzdiksiz jumys istep tur», - dedi mınıstrliktiń resmı ókili Asqar Shárip Ortalyq kommýnıkatsııalar qyzmeti alańynda ótken baspasóz máslıhatynda. 

Keshe BQO-da 30 mln tekshe metr tasqyn sý kólderge jiberilgeni týraly habarlaǵan edik. 

Sondaı-aq, atalǵan óńirge birneshe elden gýmanıtarlyq kómek jetkizildi.