Batys Qazaqstan oblysynda óńirlik kadr rezervi qalyptastyryldy
ORAL. KAZINFORM - Qazaqstan Respýblıkasynyń Memlekettik qyzmet isteri agenttigi osy jyldyń aqpan aıynda bastama alǵan óńirlik kadrlyq rezervke irikteý nátıjelerin qorytyndylady.
Іrikteý óńirlik deńgeıde jas basqarýshylardyń pýldaryn qalyptastyrý jáne óńirlerdi damytýǵa talantty jastardy tartý maqsatynda ótkizildi.
Іrikteýge 35 jastan aspaǵan, joǵary bilimdi, 3 jyldan kem emes eńbek ótili bar Qazaqstan Respýblıkasynyń azamattary qatysýǵa múmkindik aldy.
Bıyl óńirlik kadrlyq rezerv jobasyna Batys Qazaqstan oblysynda 423 ótinim tústi, onyń ishinde qoıylatyn talaptarǵa sáıkes kelgen
273 úmitker jobaǵa odan ári qatysý úshin iriktep alyndy.
Іrikteý birneshe kezeńderden ótti, onyń ishinde kásibı daǵdylardy, bilim deńgeıin, sondaı-aq kandıdattardyń jeke qasıetteri men motıvatsııasyn baǵalaý boldy (zańnamany bilý jáne jeke qasıetterdi baǵalaýǵa testileý, quzyretterdi baǵalaý, komıssııadaǵy qurylymdyq suhbat).
Іrikteýdiń negizgi krıterııleri kóshbasshylyq qasıetter, analıtıkalyq oılaý, komandada jumys isteý qabileti jáne únemi kásibı damýǵa degen umtylys boldy.
Nátıjesinde, óńirlik kadrlyq komıssııasynyń sheshimimen 7 sala boıynsha (ındýstrııa jáne ónerkásip, ekonomıka jáne qarjy, áleýemttik sala, turǵyn úı-kommýnaldyq sharýashylyq jáne ınfraqurylym, agroónerkásiptik keshen jáne jer qatynastary, tsıfrlandyrý, ekologııa) óńirlik kadr rezervine qoıylatyn 30 úmitker anyqtaldy.
«Tıimdi kadrlyq rezervti qurý – óńirimizdiń sabaqtastyǵy men turaqty damýyn qamtamasyz etýdiń basty mindeti. Kásibı, belsendi jáne jaýapty menedjerler komandasyn qalyptastyrý bizge aǵymdaǵy máselelerdi sátti sheshýge ǵana emes, sonymen qatar jańa synaqtarǵa daıyn bolýǵa múmkindik beredi. Bolashaǵy zor kadrlardy damytýǵa ınvestıtsııa sala otyryp, biz oblysymyzdyń bolashaqtaǵy jetistikteri men órkendeýine negiz qalaımyz», – dedi BQO ákimi Narıman Tóreǵalıev.
Rezervte iriktelgen azamattardyń tizimi onir.pkrezerv.gov.kz jobanyń resmı saıtynda jarııalanǵan.
«Biz kadrlyq rezerv baǵdarlamasyna oblysymyzdyń túkpir-túkpirinen kelgen talantty mamandardyń joǵary qyzyǵýshylyǵyn baıqaǵanymyzǵa qýanyshtymyz. Bul bizdiń jastardyń memlekettik qyzmet arqyly eldiń damýyna úles qosýǵa umtylatyndyǵyn kórsetedi. Іriktelgen kandıdattar kásibı ósý úshin biregeı múmkindikterge ıe bolady jáne Qazaqstanda bolyp jatqan mańyzdy ózgeristerdiń bir bóligi bola alady», — dep atap ótti Memlekettik qyzmet isteri agenttigi Batys Qazaqstan oblysy boıynsha departamentiń basshysy Murat Baısalov.
Rezervke iriktelgen azamattar mamandandyrylǵan kýrstar boıynsha oqýdy, semınarlar men trenıngterge qatysýdy, sondaı-aq tájirıbeli memlekettik qyzmetshilerdiń tálimgerligin qamtıdy.
Bul kadrlyq rezervke qatysýshylarǵa óz bilimderin tereńdetip qana qoımaı, memlekettik salada tıimdi jumys isteý úshin qajetti praktıkalyq daǵdylardy alýǵa múmkindik beredi.
Aıta ketetin jaǵdaı, rezervke alynǵan adamdar jergilikti atqarýshy organdarda «B» korpýsynyń memlekettik ákimshilik laýazymdaryna ýákiletti organnyń kelisimimen konkýrs ótkizilmesten ornalasa alady.
