Batys Qazaqstan oblysynda 3 myńǵa jýyq saıajaı úıi sý astynda qaldy
ORAL. KAZINFORM — Batys Qazaqstan oblysynda Jaıyq ózenindegi sý deńgeıiniń kóterilýi saldarynan 2 994 saıajaı úıi sý astynda qaldy.
BQO TJ departamentiniń baspasóz qyzmetinen málim etkenindeı, Oral qalasynyń tóńiregindegi saıajaılar Jaıyq, Shaǵan jáne Derkól ózenderiniń jaıylmalarynda ornalasqan.
Jaıyq ózeni boıynsha sekýndyna 3 myń tekshe metr sý kelýde.
«Sý tasqyny bastalǵannan beri 13 732 adam evakýatsııalansa, sonyń 5 703-i – balalar. Evakýatsııalyq pýnktterde 2 300 adam ornalassa, sonyń 1 062-si – jetkinshekter. 11 432 adam týystaryna bardy. Oblys boıynsha 4 915 bas mal qaýipsiz jerlerge aıdaldy. Barlyǵy 1 mln 020 myń tekshe metr erigen qar sýy sorylyp, 844 myń dana qapshyq jáne 5 857 myń tonna ınertti materıal tóseldi. Apattyq-qutqarý jumystaryna 6 507 adam, 1 201 tehnıka, 196 sý sorý quraly, 101 dana júzý quraly jáne 3 tikushaq jumyldyrylǵan. Apattyq-qutqarý jáne basqa da shuǵyl jumystardy júrgizý úshin 7 óńirden qosymsha kúsh-quraldar tartyldy», dep habarlady vedomstvodan.
Qazirgi tańda Oral qalasynda Perevalochnyı toǵaıy, Komıntern, Kýrenı aýdany, áýejaı, temirjol vokzaly, jas natýralıster stantsııasy, Jaıyq ózenindegi kópir tusyna erekshe kóńil bólinýde.
Eske sala keteıik, budan buryn Oral qalasynda sý tasqynymen kúreske 2700-den astam adam jumyldyrylǵanyn jazǵan bolatynbyz.
Sondaı-aq stýdent qalamyzdy sýdan aman alyp qalý basty maqsat osy ekendigin aıtty.
Jaıyq ózenindegi sý deńgeıi ıAnvartsev gıdrobeketinde 16 santımetrge joǵarylady.
