«Batyrlarǵa taǵzym» portaly «e-Arhıv» júıesimen ıntegratsııalanady

ASTANA. KAZINFORM – Mádenıet jáne aqparat mınıstri Aıda Balaeva kreatıvti ındýstrııany tsıfrlandyrýǵa arnalǵan Úkimet otyrysynda «e-Kıno» ilki jobasynyń alǵashqy nátıjelerin atady.

- 9 mamyrǵa arnaıy jańartylǵan «Batyrlarǵa taǵzym» portaly iske qosylady. Qazaqstannyń arhıvtik qorlarynda saqtalǵan barlyq málimetterdi biriktirý maqsatynda bul portal «e-Arhıv» júıesimen ıntegratsııalanady, - dedi Aıda Balaeva.

Mınıstrdiń aıtýyna qaraǵanda, bul qazaqstandyqtarǵa ekinshi dúnıejúzilik soǵys kezeńindegi biregeı arhıv derekterine qol jetkizýge múmkindik beredi.

- Mınıstrlik mádenıet, aqparat, kreatıvti ındýstrııa jáne kitap isi salalaryn tsıfrlandyrýdy tek joǵaryda atalǵan bastamalar men júıeler aıasynda ǵana emes, sonymen qatar IT saladaǵy jetekshi kompanııalarmen áriptestik negizinde de júzege asyrady, - dedi vedomstvo basshysy.

Buǵan deıin Qorǵanys mınıstrligi ekinshi dúnıejúzilik soǵystaǵy jeńistiń 80 jyldyǵyna arnalǵan áskerı sherýge qatysty málimdeme jasaǵanyn jazǵan edik.