Bas prokýrordyń birinshi orynbasary taǵaıyndaldy

ASTANA. KAZINFORM — Jandos Ómirálıev Qazaqstan Respýblıkasy Bas prokýrorynyń birinshi orynbasary bolyp taǵaıyndaldy. Bul týraly Aqorda málim etti.

— Memleket basshysynyń ókimimen Jandos Jánibekuly Ómirálıev Qazaqstan Respýblıkasy Bas prokýrorynyń birinshi orynbasary bolyp taǵaıyndaldy, ol burynǵy atqarǵan laýazymynan bosatyldy, — delingen habarlamada.

Sondaı-aq Memleket basshysynyń ókimimen Tımýr Ǵazızbekuly Táshimbaev Qazaqstan Respýblıkasy Bas prokýrorynyń birinshi orynbasary laýazymynan bosatyldy.

Jandos Jánibekuly Ómirálıev 1978 jyly týǵan.

Bilimi: Abaı atyndaǵy Almaty memlekettik ýnıversıtetin bitirgen.

Eńbek joly:

2000 jyly aýdan prokýrorynyń kómekshisi.

2010-2011 jyldary bas prokýrordyń erekshe tapsyrmalar jónindegi aǵa kómekshisi — Zańdylyqty, quqyqtyq tártipti qamtamasyz etý jáne qylmysqa qarsy kúres jónindegi úılestirý keńesiniń hatshysy boldy.

2011-2017 jyldary Almaty qalasy prokýrorynyń orynbasary qyzmetin atqarǵan.

2017-2018 jyldary — Bas prokýratýranyń kadrlardy damytý basqarmasynyń bastyǵy.

2018-2022 jyldary Batys Qazaqstan oblysynyń prokýrory boldy.

2022 jyly 8 maýsymda Qazaqstan Respýblıkasy Bas Prokýrorynyń orynbasary bolyp taǵaıyndaldy.

Aıta keteıik, Prezıdenttiń baspasóz hatshysy Rýslan Jeldibaı sońǵy kadrlyq aýys-túıiske qatysty málimdeme jasap, «Bul — ádettegi kadrlyq rotatsııa. Negizgi maqsat — memlekettik júıedegi eń mańyzdy baǵyttardyń tıimdiligin kúsheıtý» degen edi.