Bas prokýratýraǵa referendým boıynsha 6 adam shaǵymdanǵan
Búgingi jalpyhalyqtyq referendým barysyn baıandaıtyn marafonda Bas prokýratýra ókili Azamat Serǵazın saıası naýqanǵa daıyndyq pen daýys berý tynysh jaǵdaıda ótkenin aıtty.
«Osy sátte daýys berý nátıjesine áser etetin quqyq buzý faktileri bolǵan joq. Áleýmettik jelilerde referendým ýchaskelerinde daýys berý týraly ártúrli habarlamalar tarap jatyr. Tekserý kezinde olardyń kóbi rastalmady. Áli de tekserý júrip jatyr. Búgin prokýratýra organdaryna azamattardan 6 ótinish kelip tústi. Onyń bireýi - Bas prokýratýraǵa, eki-ekiden - ShQO men BQO prokýratýrasyna, bireýi - Aqtóbe oblystyq prokýratýrasyna baǵyttaldy», - degen marafon barysynda Azamat Serǵazın.
Eske sala keteıik, týra keshki 21.00-de elimizdiń búkil óńirinde referendým ýchaskelerinde daýys berý aıaqtaldy.
Buǵan deıin elimizdiń 12 óńirindegi 8 089 jáne 10 shet memlekettegi Qazaqstan elshilikteri janynan ashylǵan 12 referendým ýchaskesinde jumys aıaqtalyp, komıssııa músheleri daýys sanaýǵa kirisken bolatyn.
Bir saǵattan soń Aqtóbe, Atyraý, Batys Qazaqstan, Mańǵystaý jáne Qyzylorda oblystaryndaǵy 1 858 ýchaskede de óńir turǵyndary daýys berip boldy.
Sonymen qatar shet elderdegi 5 ýchaske de jumysyn toqtatty.
