Bas prokýratýrada Konstıtýtsııa kúnine arnalǵan jınalys ótti
dep habarlady vedomstvonyń baspasóz qyzmeti.
Áriptesterin merekemen quttyqtaǵan Bas prokýror Qaırat Mámı Konstıtýtsııada memleket pen qoǵamnyń qyzmet etýi úshin qajetti sharttardy anyqtaıtyn negizgi normalar men ınstıtýttardyń bekitilgenin atap ótti. Memlekettiń demokratııalyq júıesi elimizdegi tıimdi basqarýdy, saıası turaqtylyqty, beıbitshilik pen kelisimdi qamtamasyz etedi, azamattardyń konstıtýtsııalyq quqyqtary men bostandyqtaryna kepildik beredi. Qazaqstannyń qarqyndy damýy onyń halyqaralyq deńgeıdegi ornyn nyǵaıta tústi jáne elimizdiń EQYU-ǵa tóraǵalyq etýi osynyń dáleli bolyp otyr.
Konstıtýtsııalyq zańdylyqty nyǵaıtý isinde memlekettiń áleýmettik-ekonomıkalyq jáne quqyqtyq damýyna aýqymdy úles qosyp, aldyna qoıylǵan mindetterin abyroımen oryndap otyrǵan prokýratýra organdaryna mańyzdy ról bólingen.
Q. Mámı osy kúni dástúr boıynsha ant qabyldaǵan prokýratýra organdarynyń jas qyzmetkerlerin quttyqtap, jyly lebizin bildirdi.
Ata zańnyń mereıtoıyna oraı mindetterin úlgili oryndap, adal qyzmet atqarǵandary úshin prokýratýra organdarynyń jıyrma bes qyzmetkeri synyptyq shender alyp, Bas prokýrordyń Qurmet gramotasymen jáne ózge vedomstvolyq nagradalarmen marapattaldy.