Bas prokýratýra referendýmdaǵy jaǵdaıǵa qatysty esep berdi

ASTANA. KAZINFORM – Búgingi respýblıkalyq referendým barysynda zań buzýǵa derekteri anyqtalmady. Bul týraly QR Bas prokýratýrasy Qoǵamdyq múdderlerdi qorǵaý qyzmetiniń basqarma basshysy Bekjan Qaramanov málim etti.

«Dál qazirgi sátte daýys berý protsesinde óreskel zań buzý derekteri anyqtalmady, referendým qalypty jaǵdaıda ótip jatyr. Búgin prokýratýra organdaryna respýblıkalyq referendýmǵa qatysty ótinishter túsken joq», - dedi B. Qaramanov Ortalyq kommýnıkatsııalar qyzmetindegi brıfıngide.

Onyń aıtýynsha, sot organdaryna da talap-aryzdar joldanbaǵan.

«Osy baǵyttaǵy qadaǵalaýdy qamtamasyz etýdi jalǵastyryp jatyrmyz», - dedi Bas prokýratýra ókili.

Eske salaıyq, búgin qazaqstandyqtar atom elektr stantsııasyn salý máselesi boıynsha referendýmda daýys berdi. 

6 qazanda el boıynsha 10 249 referendým ýchaskesinde daýys berý bastaldy.