Bas prokýratýra MJÁ jobalaryn tekserýdi usyndy
«Búginde memlekettik-jekeshelik áriptestik salasynda bızneske problemalar týyndap jatyr. biz bul salany zerdeledik. Memlekettik organdar tıesili somany der ýaqytynda tólemeı kásipkerlerdiń quqyqtaryn buzatyndyǵy anyqtaldy. Mundaı mysaldar óte kóp. MJÁ óńirlik jobalaryn jobalaýda júıelilik joq. Maýsymda «Atameken» janyndaǵy keńeste bul problemany egjeı-tegjeıli talqyladyq. Mundaı faktiler tolyqtaı alǵanda ınvestıtsııalyq ahýalǵa jáne MJÁ ınstıtýtynyń damýyna teris áserin tıgizedi», - dedi ol.
Máselen, onyń dereginshe, Mańǵystaý oblystyq bilim basqarmasy Aqtaý qalasynda salynǵan balabaqsha úshin jeke seriktestiń aldynda 100 mln teńge tóleýi tıis bolǵan. Alaıda memlekettik seriktes jeke seriktestiń aldyndaǵy bul bereshegin 1 jyldan keıin ǵana ótegen.
«Bas prokýratýra barlyq deńgeıdegi ákimderge MJÁ jobalaryn belgilengen tártippen olardyń júzege asyrylýyna túgendeý júrgizýge, MJÁ sharty jasalǵandyǵy týraly sheshim qabyldanǵan kezde jáne odan ary júzege asyrý barysynda qoǵamdyq baqylaýǵa shyǵarý múmkinshiligin zerdeleýge tapsyrma berýdi usynady», - dedi M.Ahmetjanov.
