Bas prokýratýra Qojamjarovtyń «Qorǵas isine» qatysy baryn rastady

ASTANA. KAZINFORM - QR Bas prokýratýrasy burynǵy senator, Ekonomıkalyq jáne sybaılas jemqorlyq qylmystarymen kúres agenttiginiń eks-tóraǵasy Qaırat Qojamjarovtyń «Qorǵas isine» qatysy baryn rastady, dep habarlaıdy Kazinform tilshisi.

Ol kezde qarjy polıtsııasy qylmystyq is qozǵap, quqyq qorǵaý organdarynyń birqatar qyzmetkerin, kedenshiler men kásipkerlerdi jaýapqa tartqan bolatyn.

Eske sala keteıik, Almaty oblysyndaǵy keden beketterinde asa iri mólsherde qarjy urlyǵy jaıly qarjy polıtsııasy 2011 jyldyń sońynda málimdegen edi. Ol jerde 100-den astam adamnan turatyn uıymdasqan qylmystyq top áreket etken. Bul qylmystyq toptyń jumysyna krımınaldyq qurylym ókilderimen qatar, quqyq qorǵaý organdarynyń keıbir laýazymdy tulǵalary da qatysqan.

Qylmystyq iske qatysty 45 adam jaýapqa tartylyp, 600-den astam kýáger suraldy.

Keıin kúdiktiler 5 jyldan 17 jylǵa deıin bas bostandyqtarynan aıyryldy.

Buǵan deıin Arǵyn Nyǵmatýlınniń ústinen qandaı bap boıynsha is qozǵalǵany jaıly jazǵan edik.