Bas múftı medıtsına qyzmetkerlerine alǵys bildirdi
Medıtsına – jaýaby men saýaby mol sala. Qasıetti Quranda aıtylǵandaı, bir adamnyń ómir súrýine sebepshi bolǵan pendeniń izgi amaly búkil adamdy ólimnen qutqarýmen teń...
Adamzatty qaýip-qaterden qutqarýdyń alǵy shebinde aq halatty abzal jandardyń júrgeninde talas joq. Ásirese elimizde tótenshe jaǵdaı jarııalanǵan syndarly sátte medıtsına qyzmetkerleri óz ómirlerin qaterge tigip, otbasynan jyraqtap, apta emes, aılap emdeý sharalarynda belsendilik tanytyp keledi. Jaýapty salanyń keıbir mamandary qyzmet barysynda qaýipti dertti juqtyryp ta aldy. Ózgelerdiń ómiri úshin óz basyn báıgege tigý degen osy bolar», - dedi N.Taǵanuly.
Bas múftı atap ótkendeı, mol saýapqa kenelý ońaı jolmen kelmeıdi.
«Medıtsına qyzmetkerleri kúni qarsańynda adam janyn saqtaý syndy saýapty iste bar kúsh-jigerin sarp etip júrgen aq halatty abzal jandarǵa taǵy da aıryqsha alǵysymdy bildiremin. Alla Taǵaladan ómirlerińizge bereke, otbasylaryńyzǵa amandyq, jumystaryńyzǵa tabys tileımin. Jaratqan Jabbar Iemiz el ıgiligi men halyq densaýlyǵyn saqtaý jolyndaǵy saýapty qyzmetterińizdiń jaqsylyǵyn eselep jazǵaı. Elimiz osy synaqty da sabyrmen eńserip, qalypty ómir tirshiliginde, ıgi isterde basqosýdy jazǵaı. Ámın!», - dep túıindedi QMDB tóraǵasy.
Eske salaıyq, maýsym aıynyń úshinshi jeksenbisinde elimizde Medıtsına qyzmetkerleriniń kásibı merekesi.
