Bas múftı: Qurban aıt –Islamdaǵy eki ulyq merekeniń biri
«Barshańyzdy kúlli ısi musylman balasy asyǵa kútetin ulyq meıram – Qurban aıtpen shyn júrekten quttyqtaımyn! Aıttaryńyz qabyl bolsyn! Sizderge Alladan amandyq, myqty saýlyq, mol yrys pen baq-bereke tileımin!
Qurban aıt – asyl dinimiz Islamdaǵy eki ulyq merekeniń biri. Aıtýly kúnde musylman qaýymy Qudaı jolynda qurban shalyp, qanaǵat pen qaıyrymdylyqtyń, meıirimdilik pen izgiliktiń rııasyz úlgisin kórsetip, kómekke muqtaj jandardyń bata-tilegin alyp, alǵysyna bólenedi», - delingen Bas múftıdiń quttyqtaýynda.
Sondaı - aq, Naýryzbaı qajy Ta ǵanuly álemdegi jáne eldegi jaǵdaıǵa baılanysty Qurban aıtty óz dárejesinde atalyp ótilmeı jatanyna da toqtaldy.
«Ókinishke qaraı, álemdegi jáne eldegi jaǵdaıǵa baılanysty Qurban aıtty óz dárejesinde atap ótip, jamaǵatpen qulshylyq jasaı almaımyz. Allanyń amanaty bolǵan ómirimiz ben densaýlyǵymyzdy saqtaý – musylmandyq mindetimiz. Alaıda saýap izdegen adam úshin jaqsylyqtyń esikteri qashan da ashyq. Biz osy rette qurban shalý sharalaryn qashyqtyqtan júzege asyrýdy qolǵa aldyq. Meshitterimiz ashylyp, jamaǵatpen qulshylyq jasaıtyn kúndi jaqyn etip, qalypty ómir tirshiligine qaıta oralýdy jazǵaı», - dedi ol.
